دپنجاب دپوليسو يوه مشر ويلي دي، چې دلاهور په موټر بم چاودنه کې دبهرنيو لاس و
دپنجاب دپوليسو يوه پلټونکي جنرال طارق سليم ډګر دسې شنبې په ورځ په يوه ناسته کې خبريالانو ته  ته وويل: زموږ څېړنو معلومه کړې ده چې دلاهور په موټر بم چاودنې تر شا د بهرنيو لاس و.
په لاهور ښار کې ددوشنبې ورځې موټر بم چاودنې يوه تحقيقاتي دولتي ودانۍ ړنګه کړه چې ١٥ تنه په کې مړه او تر٨٣ پورې ټپيان  شول.دپاکستان ا ستخباراتي شبکې (SIA) معلومه کړې ده، چې د دوشنبې دورځې په چاودنه کې ٦٠٠ کيلو ګرامه چاودېدونکي مواد کارول شوي ول.
له پېښې وروسته طالبانو ادعاوکړه او وې ويل چې په لاهور کې موټر بم  چاودنه دوى کړې، په ياده چاودنه کې پرته له زاني زيان څخه  بې کچې مالي زيان هم اوښتى دى. دسرچينو په وينا چې له  ٢٠٠٧ کال راهيسې تر اوسه پورې په پاکستان کې دبمي بريدونو په  وجهې تر ٣٠٠٠ پورې وګړي وژل شوي دي .